Pesalem 97:2-9

²Tao ŋamajaŋ kêkwa eŋ auc. Biŋgêdêŋ to biŋ katô kêtu ênê lêpôŋ ŋanombaŋ.

³Ja aŋga ênê gêmuŋ-gêmuŋgeŋ. Ja kêdaŋgac ênê ŋacjo su sêjaŋa.

⁴Ênê ôsic kêpô nom ma lau, taŋ sêŋgôŋ nom naŋ, sêlic e têtakê.

⁵Apômtau gêgôm lôc gêwê e kêtôm lêp gebe eŋ kêtu lau nomŋa samob nêŋ Apômtau.

⁶Undambê sêwaka ênê biŋgêdêŋ sa ma tenteŋlatu samob sêlic ênê ŋawasi.

⁷Lau samob, taŋ sêjam sakiŋ gwam to tetoc tauŋ sa kêtu nêŋ gwamŋa naŋ, oc sêkô tomajeŋgeŋ. Anôtôi samob sêu tauŋ sêc eŋ laŋônêmŋa.

⁸Sion gêŋô e têtac ŋajam ma Juda latuŋio aweŋ gêôc toôndugeŋ kêtu aôm Apômtau, kômêtôc biŋŋa.

⁹Gebe aôm, Apômtau, kôtu nom samuc ŋatau towae. Aôm kôlêlêc anôtôi samob ŋêŋgeŋ su.