Psalm 97:2-9

²Pukunyeng ac lohsr apnulla; El nununku ke suwoswos ac pwaye.

³E uh fahsr meet lukel Ac esukak mwet lokoalok lal su apnulla.

⁴Sarom lal kalmeak faclu, Ac faclu liye ac rarrar.

⁵Eol uh kofelik oana kiris ye mutun LEUM GOD, Ye mutun LEUM GOD lun faclu nufon.

⁶Kusrao fahkak suwoswos lal, Ac mutunfacl nukewa liye wolana lal.

⁷Elos nukewa su alu nu ke ma sruloala, elos akmwekinyeyuk, Ac god nukewa lun faclu epasr nu sin LEUM GOD.

⁸Mwet in Zion elos insewowo, Ac siti nukewa in acn Judah elos engan Ke sripen nununku suwoswos lom, O LEUM GOD.

⁹LEUM GOD Kulana, kom leum fin faclu nufon, Kom arulana fulat liki god nukewa.