Miti Mânec 96:1-9

¹O ŋicbureŋ, Wofuŋ gae ɋâricne hecneniŋ, mâreŋŋic ʒeŋgoma, Wofuŋ gae hecneniŋ.

²Wofuŋ gae hecnehuc ʒâŋe‐ticne muteŋkeniŋ, ʒoaŋne ʒoaŋne bâbâpiaŋ gie‐ticnere binaŋ baniŋ.

³Eri tatamac‐ticne i qâpuc mutaniŋke‐jareniŋ, gie‐ticne wawarecnehec i ŋicne ŋicne jaŋerao muiŋ musawec eniŋ.

⁴Wofuŋ e kâcɋene, irec e fehuc mumbiaŋkezo, nemu sasawa siric‐jopahuc e araŋ bacnezo.

⁵Qâpuc nemufâc‐jeŋic jaŋe ɋâŋ qâqâtâc, Wofuŋ e ine sambâŋne sambâŋne bâfuawec.

⁶Ʒâŋe biŋe â ʒai ʒonʒoŋ‐ticnezi bâniecnekac, tiri ufuŋ‐ticnao tâpiri â eri qâreŋ focnekac.

⁷Ŋic gurune gurune ŋoŋe Wofuŋ muteŋkeniŋ, Wofuŋte tatamac â tâpiri‐ticne musokaniŋ.

⁸Wofuŋ e ʒâŋe‐ticnere sâcko sâseniŋ; taha bafisirâ hae ʒoŋa‐ticnao feniŋ.

⁹Tiri eri qonaŋkerâ Wofuŋ dapecneniŋ; mâreŋ sâc mai‐ticnao jâjâwâckeniŋ!