Miti Mânec 92:3-14

³Ehuc gita mucne teŋzi musi bahuc woŋgâŋ qazo, erâ wâc kulele fâze sarickehuc fâzezo.

⁴O Wofuŋ, go gie batec honerâ bunane biaŋkekac, megere qâreŋ honehuc ʒeri gae heekopac.

⁵O Wofuŋ, go gie baekic i qeŋ bipinehec, mamanasuge i qame hukicne jâmbâŋ!

⁶Ŋic maŋ tâmiriczi kâuc baekac, mutucnezi sâcne mi mana taraekac.

⁷Ŋic sindaŋne jaŋe kecɋaŋ iŋucne fua ɋârâŋkehuc, â sâqocne bapa jaŋe fua biaŋ eipiehuc sifu sisipiric sanaŋte biŋe eeŋgopieŋ;

⁸ehame, Wofuŋ, go ine faic jusanaŋkerâ jucmu.

⁹Eme jei, Wofuŋ, râsifâcge jaŋe siroweniŋmu, â sâqocne bapa jaŋe tâtie‐fâreniŋmu.

¹⁰Go ine tâpiri‐nane kâte bulimakaore iŋucne râemeŋ, goki wokemaŋ ɋâricne rua‐naremeŋ.

¹¹Ʒâŋe‐nanezi râsifâcne‐nane waha jopame honec‐jopakopac; â sâqocne bapa qaisocnueŋgopieŋ jaŋe wiac hâhâwicne fua‐jareme hazec‐nanezi biŋene manakopac.

¹²Tiŋne jaŋe hâmu jâcne iŋucne fua biaŋ eeŋgopieŋ, Lebanoŋ tikire jâmâzâc iŋucne fua sokac eeŋgopieŋ.

¹³Jaŋe Wofuŋte ficko sarac‐jopakicnere Anutu‐nâŋecte hae ʒoŋao fua biaŋ eeŋgopieŋ.

¹⁴Jaŋe raŋɋaŋke‐bipiehuc fâri bâfuaeŋgopieŋ, maŋopâ‐jeŋic fofo sanaŋ â rehac‐jeŋic qacfirichec.