Y Salmo Sija 92:3-14

³Gui dandan ni y dies cuetdasña; yan gui guitala; yan gui atpa yan y mames na inagang.

⁴Sa jago, Jeova, unnamagofyo nu y chechomo: ya bae junagana pot y checho y canaemo.

⁵O Jeova, namandinangculo sija y chechomo! yan jinasomo mansentadong:

⁶Sa y taotao ni y aguaguat ti jatungo: ni y caduco ti jatutungo este.

⁷Anae y manaelaye lachog taegüije y chaguan, yan anae todo y chumogüe y tinaelaye manlajyan: ayo mina ufanmayulang para taejinecog:

⁸Lao jago, O Jeova, para taejinecog gagaegue y tinaquilo.

⁹Sa, estagüe, y enimigumo, O Jeova, sa, estagüe, y enimigumo na ufanmalingo; yan todo y chumochogüe y tinaelaye ufanmachalapon.

¹⁰Lao y canggelonjo, jago munacajulo taegüije y canggelon y titogcha na nubiyo: ya mapalaeyo ni y lañan nuebo.

¹¹Sa y atadogcoja lumie y güinaeyaco gui enimigujo sija yan y talangajoja jumungog y güinaeyaco ni chumogüe y taelaye ni y mangajulo contra guajo.

¹²Sa y tinas lâlâ taegüije y trongcon palma: lumadangculo güe taegüije y trongcon sedro gui Libano.

¹³Ayo sija y manmatanme gui guima Jeova, manlâlâ gui jalom y sagan y Yuusta.

¹⁴Sigueja di manmanogcha asta que manbijo: manmesgo yan manbetde.