Pisalem 92:3-14

³ngaadahi mo nia lee o nia uga o nia mee hai daahili, mo di lee o di ‘harp’.

⁴Meenei Dimaadua, au hegau maaloo dangihi guu hai au gi tenetene. Idimaa go au mee ala ne hai, au e daahili tenetene.

⁵Meenei Dimaadua, au mee ala ne hai le e humalia huoloo! Au mee ala e hagamaanadu Kooe le e donu ngadaa ginai gimaadou!

⁶Deenei di mee a digau dadaulia e deemee di iloo ai, ge digau ala e de kabemee e deemee di modongoohia, dela boloo:

⁷Digau huaidu le e mee di tomo be nia geinga, ge digau ala e hai nadau mee hala le e mee di maluagina, malaa digaula e daaligi gi daha,

⁸idimaa Kooe, meenei Dimaadua, dela di tagi aamua ga hana hua dono hagaodi ai.

⁹Meenei Dimaadua, gimaadou e iloo bolo o hagadaumee la gaa mmade, gei digau huaidu huogodoo la ga magedaa.

¹⁰Goe guu hai au gi maaloo gadoo be di kau llamu dauwa. Goe gu haga humalia au gi di tenetene damanaiee.

¹¹Au gu gidee di hagamagedaa o ogu hagadaumee, gei gu longono eau nia tangitangi o digau ala ne hai di huaidu mai gi di au.

¹²Digau ala e haihai nia mee donu la gaa tomo hagadubuagina gadoo be nia niu. Digaula gaa tomo gadoo be nia laagau ‘cedar’ o Lebanon.

¹³Digaula e hai gadoo be nia laagau e dogi i lodo di hale a Dimaadua, e tomo hagadubuagina i lodo di Hale Daumaha o tadau God.

¹⁴Digaula gu mmaadua ge huwa daulogo hua igolo, gei e tomo halatee i nia madagoaa huogodoo be nia laagau hoou dogo tomo aga.