Miti Mânec 79:1-12

¹O Anutu, qâpuc jaŋe haemaŋgao raʒimbiŋ, tiri ufuŋgao wâwânâŋ bâfuambiŋ, Jerusalem hae ima bambiŋ.

²Jaŋe kiŋaŋŋicfâcge fâri ombâŋ‐jeŋic sawa wipe jaŋere micko râembiŋ, tiri ŋicfâcge biuc‐jeŋic kâte qowi jarembiŋ.

³Erâ socjeŋic Jerusalem hae rârec opâ iŋucne hesiepie rawec; mozi moc ducjopazac!

⁴Bembeŋko juraŋgopieŋ jaŋe mecpiroc enâreeŋgopieŋ; ŋic rârec rârec juraŋgopieŋ jaŋe mu ruruc enârehuc gâwie‐nâreeŋgopieŋ.

⁵O Wofuŋ, go kimbeŋ qanâreku mo dameŋko behecmu? Aaricgezi ʒoc iŋucne bâruŋkeku mo dameŋko qaʒueocmu?

⁶Kimbeŋge qâpuc kâuc bacguŋgopieŋ jaŋere faio hoŋkec, ŋicguru ʒâŋege mi wâsickeeŋgopieŋ jaŋerao.

⁷Jaŋe hâcne Jakobo ki qâsuc ecnembiŋ, â hae mâreŋ‐ticne imackembiŋ.

⁸Mimiŋnefâc‐nâŋec jaŋere kiŋte mi mana gâpâre‐nârec, buurucgezi biac ware bâfuac‐nâpooc; nâŋe mâretec docke betaŋ eŋgopeneŋ.

⁹Go ʒâŋe biŋegere erâ bafic‐nâpoc, o bâbâpiaŋ Anutu‐nâŋec! Ʒâŋegere erâ batarac‐nâpohuc sâqocne‐nâŋec bâtâmirec.

¹⁰Qâpuc jaŋe wemocte muniŋmu, “Anutu‐jeŋic weni?” Kiŋaŋŋicfâcge socjeŋic hoŋkekicne irec kiŋ qâpuc jaŋerao bataratec honenʒepeneŋ.

¹¹Niŋgiŋ‐jopakicne jaŋere wâwâsiczi bâfuacguzejec, â hâmoniŋte biŋe qacjopakicne jaŋe mesanaŋgezi firuec‐jopatec junʒepieŋ.

¹²Râpec‐nâpohuc juŋgopieŋzi, Wofuŋ, go mu ruruc egarembiŋ, irec furine arec 7 jaretec sahac‐jeŋicko fezejec.