Psalms 79:1-12

¹MAIN Kot, men liki kan tan don japwilim omui jojo; irail kajaminela japwilim omui im jaraui, o re wiaki Ierujalem kantakai eu.

²Re ki oner manpir en pan lan akan kalep en japwilim omui ladu kan, o uduk en japwilim omui jaraui kan on man en nan jap akan.

³Impan Ierujalem irail wudokila nt’ ar dueta pil, o jota, me pan jarepedi.

⁴Kit wialar kanamenok eu on men imp at, o me kapil kit pena, kin lalaue o kaurur kin kit.

⁵Main Ieowa, arai da kom pan kotin onion, o inon en kupur omui pan lulada dueta kijiniai?

⁶Kom kotin wudokidi on men liki kan, me jaja komui, omui onion, o on wei kan, me jota kin likwir on mar omui.

⁷Pwe re kawelar Iakop o im ar akan.

⁸Kom der kotin tamanda dip en jam at akan; a kom kotin madan jauaja kit, pwe kit me malaulaular.

⁹Main Kot, jauaj pat, kom kotin jauaja kit, pweki wau en mar omui. Kom kotin dore kit ala o kotin maki on kit dip at akan, pweki mar omui!

¹⁰Da me kom kotin mueid on men liki kan en inda: Ari, ia arail Kot? Kom kotin kajale on men liki kan depuk en ntan japwilim omui ladu kan, me wudokilar, en pil janjal mo at!

¹¹Kotin mani janejan en me jalidi o; kom kotin kolekol kidi lim omui manaman me kileledier on kamela.

¹²Kom kotin depukki on men imp at pan pak iju ar lalaue, me re lalaue kin komui.