Miti Mânec 65:7-10

⁷Go hâwec siri fânâŋ‐ticne, â ŋicne ŋicne ojowa‐jeŋic, bâmâteŋketec tiŋbenoŋ fuaekac.

⁸Eme mâreŋ sâko mâreŋ mecqaŋeŋnao juŋgopieŋ, jaŋe fuŋne qaqa mâsigere bipic tara‐jareekac; go ʒoaŋ wewefu‐ticne â huhu‐ticne, bubiaŋ afusecnetec kiwac qawac eekac.

⁹Go mâreŋ iqickerâ bâgunuckeekic, eme mâriri biaŋ fuaekac, Anuture opâ i opâ ɋârâŋ. Go mâreŋ bâmocke baʒawiec ekutec, nânâ wiac fâri biaŋ fuaekac.

¹⁰Go opâwâc‐ticnao râehuc tikine heɋâreekic, hoe mutec heme mâreŋ urueekac, eme jambuŋketec wiac fua‐hâmoekac.