SALMOS 65:7-10

⁷Ta tijseseltía nopa hueyi atl quema mosisinía. Huan tiquinyoltlalía masehualme campa hueli quema quinequij mohuilanase.

⁸¡Yeca nochi masehualme catli itztoque hasta campa ontlantoc tlaltipactli, mitztlepanitaj huan mitzimacasij para mitzixpanose quema quiitaj nopa huejhueyi tlamantli catli tijchihua! Tijchihua para masehualme ma paquica tlen quema tlanesi huan hasta quema tlayohuiya.

⁹Ta ticatequía ni tlaltipactli para ma tlaelilti. Nopa hueyame catli ta moaxca amo quema huaquij. Ta tijcualtlalía ni tlali para momasehualhua ma quitocaca ininxinach, huan teipa tijchihua para ma onca se hueyi pixquistli.

¹⁰Ta tijxolonía ica miyac atl nopa surcos ipan mila. Tijchihua ma huetzi atl para ma yamaniya nopa tlali huan ma poxoni nopa tlaltojtolomitl. Huan tijchihua para ma ixhua nochi tlamantli tlatoctli ipan nochi tlaltipactli.