Miti Mânec 58:5-10

⁵E qaŋgec bapa dâŋmarac‐jeŋic mi manaekac, qaŋgecte fuŋne mamanazi emâmâŋkeekac.

⁶O Anutu, goki micsiec‐jeŋic qanʒaŋnec, Wofuŋ, go laioŋ motec ʒuŋe‐jeŋic unuckec!

⁷Ejaretec opâ iŋucne ŋetâtiehuc omaenʒepieŋ, qinʒiŋ iŋucne ɋaŋa ururuc erâ hâmonʒepieŋ.

⁸Gâwâc hahaczi ŋeŋerâ raku hâmo ʒaŋ eekac iŋucne, me ŋokac kiwecheczi dameŋne mi maickeha kogoc rome, bumâŋ‐ticnere fârinezi tatamac mi honehuc omaeekac iŋucne.

⁹Kuʒi ɋâricne ʒoczi mi ʒasanaŋkeha qâtipepie raekac, irec sâc hetapaic‐jopatec ratâmirenʒepieŋ.

¹⁰Tiŋne jujuzi okac babazu honerâ ʒeri eocmu; kike‐ticnezi sindaŋŋic ere soc ruaocmu.