Kap 58:5-10

⁵tuŋon amɨn uŋun pɨdaŋ kap asak do kasɨsɨŋ pɨsoŋ bɨsapmon, ami dakon kasɨsɨŋni dakon tekni dɨma nandɨsak. Ami kasɨsɨŋ dakon mibɨlɨ pakyaŋ nandaŋek pɨsosok, mani tuŋon amɨn tekni dɨma nandɨsak.

⁶Piŋkop, kɨla amɨn yokwi uŋun paŋupbal akisi. Uŋun laion emat yokwisi aŋ yombem, do geni bɨrɨpmɨk mudoki.

⁷Pakbi da pak kɨŋek mɨktɨmgwan pasɨlgaŋ uŋudeŋ si pasɨlni. Amɨn da joŋ bamaŋba kɨbɨdoŋ uŋudeŋ gak da si bamaŋaki yokwi toni.

⁸Uŋun galjisip da kɨmagek mɨktɨmon mɨktoŋ, uŋudeŋ tasɨk toni. Ae monjɨ meŋ da butgwan kɨmagek gɨldat dɨma koŋ, uŋudeŋ tagɨ kɨmotni.

⁹Amɨn kɨnda da kɨndap monɨŋgok kɨnda pasɨsak, uŋun da tɨlak, Piŋkop da tepmɨsi paŋupbal akdɨsak. Uŋun kalugɨ egakwa Piŋkop da butjapsi nandaŋ yomɨŋek sɨbɨt sɨbɨt yaŋ maban kɨkdaŋ.

¹⁰Piŋkop da amɨn yokwi yo yokwisi aŋ yomjak bɨsapmon, amɨn kɨlegɨ kɨsɨk kɨsɨk akdaŋ. Amɨn kɨlegɨ da amɨn yokwi dakon yawi baŋ kandapni sugokdaŋ.