Miti Mânec 4:2-7

²Ŋicbureŋ, ʒâŋe biŋe‐nane ro waha âte eku wezimucko beheniŋmu? Dâŋ jawanere aŋac â burecte wosaŋeŋ gie, i mo dameŋko hetaraniŋmu?

³No Wofuŋte biŋe epemurâ ro sakac enarewec, i ŋoŋe hone taranʒapiŋ me. No wira wâwâsic ecnepe Wofuŋzi manaekac.

⁴Kimbeŋ qazo qaniŋ, mâc sindaŋ ine mi eniŋ. Fofo‐ŋeŋicko fohuc maŋzi mana wosâeniŋ, ehuc niniŋkeniŋ.

⁵Taha fâri biaŋ râeniŋ, â mamanac‐ŋeŋic Wofuŋtao fooc.

⁶Bocjahazi mueŋgopieŋ, “Wemocko wiac biaŋ moc honenʒapeŋ!” Wofuŋ, go ʒâŋe maige bâfeŋnetec tamae‐nâreoc.

⁷Go nore maŋko aŋac ʒeri fekicne bâfuameŋ; nânâ mâriri dameŋ‐jeŋicko bubiaŋ mamana i wahakac.