Sam 4:2-7

²?Nimu leplz, myx mzli kx naesakingr nzatrkati-krmu nzmyalz-krnge? ?X myx mzli kx naesakingr nzmrlzkr bamu da kx ngi brmrda x nzpokiangr?

³Murde nakrlzamu kx Yawe mcpxle nigr leplz kxnztubqng kx nanginedeng. X mzli kc nakrka'-ngrbo bade, sa na-ayzlumle natqnge.

⁴Bzkq nabztq ngr nelzmu mailzle nimu mz alwx. A' na-aoti drtwrmu nqmq krmu mz nzyrbq-lrpi-krmu mz nelvq nyzmu mz nrlckxbq.

⁵Zbz na-abrtrpzmu drtwrmu bade, X nakabzmu bade blz, mz nzvz-nqblq-krgu natq kc tqkapxmle bagu.

⁶Yawe, leplz nemqng nzkqlung kx nzrpimlr bange kx, “?Myx mzli kx namnc-zpwx-ngrgu?” Delc tqkrka'-ngrbo kx na-amrlzq nigr.

⁷Murde mzli kc tqamrlz-ngrn ninge, abrtz-zlwzx Myaszpxle nzabrtzkr leplz kx dakxnzng nadr x waen mqdr kqlu.