SALAMO 4:2-7

²Taunimanima e, egu ladana namona, be do umui hadikaia noho ela bona edena negai? Hereva kavakava do umui ura henia, bona hereva koikoi do umui tahua noho, ela bona edena negai?

³Do umui laloa, Lohiabada ese kara maoromaoro taudia, be ia abia hidi vadaeni, iena. Bona lau ese lau boiboi henia neganai, ia ese lau dekenai ia kamonai henia.

⁴Emui badu ia toreisi neganai, do umui kara dika lasi. Emui mahuta gabunai umui noho neganai, emui lalona do umui tahua, bona badu ena laloa do umui koua.

⁵Boubou maorodia Lohiabada dekenai do umui henia, bona Lohiabada do umui abidadama henia.

⁶Taunimanima momo ese inai bamona idia guriguri noho: “Lohiabada e, daika ese ai do ia hanamoa diba? Oiemu vairana ena diari, be mani ai dekenai do oi hedinaraia.”

⁷To oi ese moale bada, be lau dekenai oi henia vadaeni, bona egu moale ese, uiti bona uaina momo idia davaria taudia, edia moale ia hereaia momokani.