7Ʒoaŋ wewefuonec mâŋâŋ mutec fisirâ Tarasisi haeonec woke qanʒaŋ‐jopawec.
8Biŋene manambeŋ irec sâc jaha ʒâŋezi honembeŋ, Tâpiri Ɋuŋɋasaŋ Wofuŋte haeo, Anutu‐nâŋecte hae sâkoo hâcne; hae i Anutuzi ŋeŋe sanaŋ ŋeocte mucnewec.
9O Anutu, nâŋe taha ufuŋgere maŋnao aki anonocgere manasumbeŋ.
10O Anutu, ʒâŋe biŋegezi mâreŋ qaŋeŋnao rawecte mumumbiaŋgezi iŋuc jaha raekac; mefâregao bâbâpiaŋ fusucmawec fokac.
11Zioŋ tiki e irec bubiaŋ manakac; Juda otâfâcne jaŋe mumutiŋgere erâ ʒeri bari eeŋgopieŋ.
12Zioŋ orâŋkehuc bârâreckenʒepieŋ, ehuc rucbapa ficne ficne wosenʒepieŋ.
13Qânâsac‐ticne hone qârâwiŋ enʒepieŋ, ficsâko maŋne jufârenʒepieŋ, ehuc ʒâhec fuaniŋmu jaŋe ʒiŋuc jazanʒepieŋ: