Ola Saam 48:7-13

⁷God bin breigim olabat jis laik strongwan win en rein breigimap bigwan bout.

⁸Basdam wibin irrim wanim God bin dum, en tudei na wibin luk wanim imbin dum iya langa dijan taun blanga YAWEI det boswan God blanga wi. Im na garra kipum dijan taun seifwan olagijawan.

⁹God, insaid langa yu Serramoni Pleis melabat jinggabat blanga det filing weya yu laigimbat olataim.

¹⁰Ebribodi langa ebri kantri sabi yu, God, en dei oldei preisimbat yu. Yu oldei gibit feyago langa ebribodi.

¹¹Larram ola pipul brom Saiyan jidan gudbinjiwei! Yu jadjim pipul raitwei. Larram ola pipul langa ebri taun langa Juda jidan gudbinji.

¹²Yumob pipul blanga God, yumob wok raidaran langa Jerusalem en kaundimap ola haiwan haus.

¹³Yumob luk gudwei langa ola strongwan wol en detlot haiwan haus, wulijim yumob gin dalim ol yumob bigininimob blanga dijan seifwan taun blanga God.