Salmo 48:7-13

⁷Midèdeetan sikandan te Megbevayà; neiring sikandan te varku ziyà te Tarshish he nesuǥat te mevendes he keramag he ebpuun diyà te edsilaan.

⁸Netudtulan key zà dengan te menge vaal te Megbevayà, ne guntaan neehè dey en heini ziyà te inged te Megbevayè dey, he Mekeǥeǥehem he Nengazen. Edlig-enan din heini he inged te taman te taman.

⁹He Megbevayà, mibpurungan dey ngunngunua is gaǥew nu hein diyè key te seled te valey nu.

¹⁰Ebentuǥen ka ne edeliǥen ka te menge etew seled te tivuuk he kelibutan, tenged te mezeeǥen ka pinaaǥi te ǥehem nu.

¹¹Egkelipey is menge meǥinged diyà te Zion wey is diyà te zuma pa he menge inged diyà te Juda, tenged te metazeng he kedhukum nu.

¹²Menge tig-Israel, liǥuya niw is Zion ne vilanga niw is menge turi kayi.

¹³Purungi niw ahaa is menge verengbeng wey is melig-en he menge vahin kayi te inged, su para metudtul niw ziyà te edsunud he menge lapis te kevuwazan