Miti Mânec 36:2-10

²E jahacne maŋ eatuckehuc muekac, “Hehesic‐nane i mi fua taniŋkeocmu, â irec mamana sâqoc mi fuaocmu.”

³Micdâŋ‐ticne i mumusifuc â eeatuc; mana tarahuc wiac biaŋne ee i behewec.

⁴Fofo‐ticnao wiac repicne manasu biric eekac, bibiaŋte hata mi âteekac â sâqocne mi qikiŋneekac.

⁵O Wofuŋ, aki anonocgezi feku sambâŋ heuakac, erâ‐eesanaŋgezi feku karoracko fisikac.

⁶Tiŋnegezi Anuture tiki iŋucne qiŋ herâ ŋekac, mumutiŋge hâwec ʒâkâŋ sâko iŋucne, Wofuŋ, go ŋic â qowi bafic‐nâpoekic.

⁷Anutu gore aki anonoc furi sâko‐ticne mo iŋucne! Mâreŋŋic jaŋe fakec rurumaŋgao soŋkeeŋgopieŋ;

⁸ehuc ficgaonec mâriri sâko nâ bac eeŋgopieŋ, â aŋacgere opâ fifisine gumec‐jopaekic.

⁹Gorao hâcne jujure opâ ʒâŋe fokac, â gore tatamacko tatamac honeeŋgopeneŋ.

¹⁰Go manacgueŋgopieŋ jaŋe aki anonocge ʒuhucke‐jarehuc juzemec, â maŋsioc tâmiric jaŋe bâbâpiaŋge tahac‐jopazemec.