Sabóor 36:2-10

²Kàddug tooñ ga ku bon wax mu ngi sama xel mi. Mu ne: «Ana lu may ragal ci Yàlla?»

³Day gis boppam, naagu, ba du gis sikkam, sib ko.

⁴Ay waxam coxor aki fen, jëfeetul lu rafet ak lu baax.

⁵Day mébét lu ñaaw cib lalam, taxawe yoon wu dëddu mbaax, te du bañ lu bon.

⁶Céy Aji Sax ji, gore nga ba kaw asamaan, dëggu ba kaw-li-kaw.

⁷Sa njekk a tiim tund yu mag yi, sa àtte ne xéew ni xóotey géej. Céy Aji Sax ji, nit ak mala, nga boole sàmm!

⁸Céy Yàlla, yaa wéet ngor, doom aadama yiiroo sa ker, yiiru;

⁹yafloo sa njël lu duun, sa xéewal wal, nga nàndale ko.

¹⁰Ci yaw la dund di balle, te sag leer lanuy leerloo.