Miti Mânec 33:16-20

¹⁶Ŋicwofuŋ moc e momori gurufâcne jaŋe sâcne mi ŋezickeniŋmu; â momori moc e tâpiri sâko‐ticnezi sâcne mi baficke‐hâmoocmu.

¹⁷Ʒikare becâsic ere erâ râsi sâcne mi sanaŋke‐jarezo, e tâpiri sâko‐ticnezi rune sâcne mi bafickeocmu.

¹⁸Manaŋgopieŋ, Wofuŋ araŋ bacneeŋgopieŋ, â aki anonoc‐ticnere mamanac jueŋgopieŋ, jaŋe ʒâŋe‐ticnezi hone maiŋ ejareekac,

¹⁹juju‐jeŋic hâmockonec bataraocte, eme roroc dameŋko ɋâricne juniŋte iŋuc eekac.

²⁰Maŋ qâqâtâc‐nâŋeczi Wofuŋte woŋec juekac, e babafic‐nâŋec â maro‐nâŋec.