Miti Mânec 32:4-8

⁴Ŋafe ʒoaŋ sâc megezi badapecnumeŋ, eme maŋwamboŋ‐nane kereŋkewec, ʒoaŋ sanaŋ qakume wiac hahaŋkeekac irec sâc.

⁵No sâqocne‐nane mufua‐garepo, â hehesic‐nane mi hefackepo; no mupo, “Bahac‐nane Wofuŋ mufuacnepe.” Eme sâqocne‐nanere kiŋtofa behemeŋ.

⁶Irec mitihec juekaczi ʒârâ hâriŋ dameŋko numu‐garezejec; eme opâ rumi sâko fisiocmu, izi siwiŋne fehuc e mi heuaocmu.

⁷Go maro enarehuc ʒârâ ʒâpâre sabecnuekic, ehuc rârec rârec sisipiricte erâ ŋezicnuekic.

⁸Wofuŋzi mukac: Hata âtecmurâ mugarekicne, i qazu‐garehuc gowatupe, no ʒâŋe‐nanezi hone soŋaŋ egarepe.