2Wofuŋte ufuŋko domaŋgopieŋ ŋoŋe, Anutu‐nâŋec ufuŋ‐ticnere hae ʒoŋao domaŋgopieŋ ŋoŋe!
3Wofuŋ mumbiaŋkeniŋ, Wofuŋ e uruc jauŋhec. Ʒâŋe‐ticne gae hecneniŋ, e miriŋ biaŋhec.
4Wofuŋ e Jakobo sakarewec hâcne, Israezi ere eocte bâwosâewec.
5No manakopac, Wofuŋ e kâcɋene; Wofuŋ‐nâŋeczi nemu sasawa siric‐jopakac.
6Wofuŋ e wiac maname sâckeme sâc eekac, sambâŋko â mâreŋko, hâwecko â ʒâkâŋ ʒorao.
7Eki hâcne mâreŋ qaŋeŋnaonec karorac ejareme fahareeŋgopieŋ, erâ hoere ɋuŋ bâbâric bâfuaekac, â rowaŋ‐ticnaonec mâŋâŋ soreme wareekac.
8Eki hâcne Aigita ŋic mârâc fufuafâc‐jeŋic jopawec, ŋic mecne, qowi mecne.
9E Aigita mâreŋ gorao mâsi qâreŋ bâfuahuc Farao â ŋicfâcne imac‐jopawec.
10E ŋicguru bocjaha qâtâtiec‐jopawec, â ŋicwofuŋ tâpirihec qâhâmoc‐jopawec:
Miti Mânec 135
Miti Mânec 135:2-10