Melkahka Kan 72:16-18

¹⁶Reken wahn pilawa en kin wiewiawihte nan wehiet; wahnsahpw en kin kipehdi dohl akan, rek oh wohkian duwehte wahnsahpw en Lepanon. Kahnimw kan en direkihla aramas ngeder, rasehng dihpw kan me kin keirda nansapw.

¹⁷Mware en kin poatopoat kohkohlahte; oh en ndand erein ketipin eh kin dakedaker wasa. Wehi koaros en kin peki rehn Koht en ketin kupwuramwahwih irail duwen eh ketin kupwuramwahwiher nanmwarkio.

¹⁸Kitail kapinga KAUN-O, Koht en Israel! Pwe ihete me kin ketin wiahda soahng kapwuriamwei pwukat.