Melkahka Kan 47:3-7

³Ih me ketikihong kitail manaman en powehdi aramas akan; ih me ketin koasoanehdi pwe kitail en kin kaunda wehi kan.

⁴Ih me ketin pilohng kitail sahpw me kitail kin kousoan ie, sohso kesempwal en sapwellime aramas akan, me e kin ketin loalloale.

⁵Koht ketidalahng nan mwoale. Ngilen peren oh sowih kan kadirehla wasa, nindokon KAUN-O eh ketiket kohda.

⁶Kumwail koul kapinga Koht; kumwail koul kapinga atail nanmwarki!

⁷Koht iei nanmwarkien sampah pwon; kumwail koul kapikapinga!