1Ke dehr pwunodki aramas suwed akan; ke dehr pil peirinki paien irail me kin wiahda me sapwung.
2Re pahn mwadang sohrala duwehte dihpw me mengila; re pahn mehla rasehng kisin tuhke me kin mengidi.
3Likih KAUN-O, oh wiahda tiahk mwahu, ke ahpw pahn koukousoan nan sahpwo oh sohte perki mehkot.
4Rapahki omw peren rehn KAUN-O; oh e ahpw pahn ketikihong uhk dahme ke keieu inengieng.
5Mweidohng KAUN-O pein kowe; likih, e ahpw pahn seweseiuk.
6E pahn kupwurehda pwe omw wiewia pwung kan en lingalingla duwehte ketipin.
Melkahka Kan 37
Melkahka Kan 37:1-6