Melkahka Kan 18:38-41

³⁸I keseiraildi, re ahpw sohla kak uhda; re wonohnehr nanpwel mwohn meseiet.

³⁹Komwi me ketin kakehleiehda pwe I en kak mahwen oh ketikihong ie I en powehdi ei imwintihti kan.

⁴⁰Komwi me ketin kupwurehda ei imwintihti kan pwe re en kin tangasang ie; I kamwomwala irail kan me kin kailongkin ie.

⁴¹Re kin likwerih sawaseparail, ahpw sohte emen me kin doareirailla; re kin likweriong KAUN-O, ahpw e sohte kin ketin sapeng irail.