Melkahka Kan 17:6-11

⁶Maing ei Koht, I patohwan kapakapohng komwi, pwehki omwi kin ketin sapeng ie; eri komw ketin sohpeidohng ie oh karonge ei pato kat.

⁷Komw ketin kasalehda sapwellimomwi limpoak kapwuriamwei oh ketin doareiehla; pahn mwetehn limomwi I kin nekinekmwahu sang ei imwintihti kan.

⁸Komw ketin sinsile ie duwen omwi kin ketin sinsile pein silangmwien; komw ketin karirihiehla pahn mwetehn nin limomwi kan

⁹sang mwekid en aramas suwed kan. Imwintihti kamasepwehk kan kapiliepenehr.

¹⁰Sohte mahk mie rehrail oh re kin lokaiahn pohnmwahso.

¹¹Ahnsou wet re kapiliepenehr mwasamwasahn ahnsou koaros wasa I pahn sohpeila ie pwe re en kauweiehla.