8Maing KAUN, komw ketidohng nan Tehnpas Sarawio iangahki sapwellimomwi Kohpwahn Inowo, kilel en sapwellimomwi manaman, oh ketikette wasaht kohkohlahte.
9Sapwellimomwi samworo kan en wia dahme pwung ahnsou koaros; sapwellimomwi aramas koaros en ngisingiski ar peren!
10Komw ketin inouwohngehr sapwellimomwi ladu Depit; Maing KAUN, komw dehr soikeweisang rehmwi nanmwarki me komw ketin piladahr.
11Komw ketin wiahiong Depit inou mehlel ehu— inou ehu me komw sohte pahn ketin wekidala: “I pahn kasapwilada emen noumw pwutak kan en nanmwarki, oh e pahn kakaun mwurimw.
12Ma noumw pwutak kan pahn loalopwoatohng ei inou oh kosonned akan me I pahn kihong irail, eri, neirail seri kan pil pahn iang mwohd nan mwoahl wet kohkohlahte.”
13KAUN-O ketin piladahr Saion; e ketin kupwurki wiahki wasao tehnpese:
14“Iei wasaht me I pahn kin kousoan ie kohkohlahte; iei wasaht me I pahn kin kakaun wasa.
15I pahn kapaiahkihda Saion soangen kamwahu koaros me e kin anahne; I pahn kammedehkihla me semwehmwe kan kisin mwenge.
Melkahka Kan 132
Melkahka Kan 132:8-15