Melkahka Kan 132:12-15

¹²Ma noumw pwutak kan pahn loalopwoatohng ei inou oh kosonned akan me I pahn kihong irail, eri, neirail seri kan pil pahn iang mwohd nan mwoahl wet kohkohlahte.”

¹³KAUN-O ketin piladahr Saion; e ketin kupwurki wiahki wasao tehnpese:

¹⁴“Iei wasaht me I pahn kin kousoan ie kohkohlahte; iei wasaht me I pahn kin kakaun wasa.

¹⁵I pahn kapaiahkihda Saion soangen kamwahu koaros me e kin anahne; I pahn kammedehkihla me semwehmwe kan kisin mwenge.