Mboe 132:12-15

¹²Mi sombe lutum bizin matan iŋgalŋgal sua tio mbukŋana mi titoto kat ka tutu, tona lutun bizin tomini kadoono ko tikam murim, mi timbutultul su murim peeze kana, mi iseeŋge iseeŋge ma ila. Tutu tana, nio ituŋ ko aŋpaute zin pa.”

¹³Yooba iroogo kar Sion, mi ikam ma iwe lene kek. Lele tana, ta ni leleene be imbotmbot pa.

¹⁴Tana iso ta kembei: “Lele ti ko iwe muriŋ be aŋbotmbot pa ma alok. Nio leleŋ be muriŋ peeze kana imbotmbot lele ta ti.”

¹⁵Nio ko aŋpombol zin Sion kan, mi aŋkampe zin ma tirao kat pa koroŋ ta boozomen. Tana zin wal ki Sion ta petel zin ma timbot ŋoobo na, nio ko aŋputu zin ma kopon bok.