Matiyu 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

¹Wa' ble ye kpan ba firist bi ninkon ba ni bi ninkon u ndi ba ba' ka suron mu tie nkon u wuu.

²Ba lowu, nda njiwu hi ka nno Bilatus gona.

³U Yahuda wa a le ni wu'a toh ndi ba wuu Yesu, awa' (sran mre ma) nda nji idran shekel setra'a ye ni' bi ninkon firist ba ni bi ninkon ndji ba,

⁴nda tre, “mi latre wa mi myren ndi wa ana tie latre naa” U ba tre, “Kima hi ngyeri tawu? To kpye wa u tie kime”

⁵A ka mrli dran ba ta hle ni mi hekali, nda rju hi ka ba don da ka klo kpame rjirji.

⁶Ninkon u firist ba vu mrli dran ba nda tre, “Ana he ni nkon u duu'a ndu wayi ri ni (wron) na niwa a hi nklen yi”

⁷Baka tre ni kpamba nda ban nklen le rju u ri' wa baka ta rjuu bi tsri.

⁸Nitu kimayi ba yo wrji kii ndi, “Bubu yi” ye' luwayi.

⁹A ye tsra ni kpye wa Rimiya u Totsu'a tre din, “Ba vu dran setra ba inklen wa imrli Israila bayo ni tuma,

¹⁰nda nno ni tu bubu ri, nawa Baci a yo ba tie'a.

¹¹Yesu a wlu ni shishi go naa, u gona kamye wu, “U chu Yahudawa?” Yesu a saa wu, “U hla me”

¹²U wa bi ninkon u firist ba ni bi ninkon ndji ba ba' nhawu, ana tre kpye na.

¹³U Bilatus tre ni wu, “Una wo ikpyi ba wawu mbawu wa ba nhawu na?”

¹⁴U ana saa ikpye riri mena, waa a ndu gona (manji ma wakran).

¹⁵Ninton u gan'u Rugran bata ndu gona cu ri nimi bi he tro'a wa ndji ba kpa y'me a cuwo.

¹⁶Ninton kima, ba he ni indji ri ni tro wa a sentu'a u nde Barabas.

¹⁷Wa baye kpan shuki a, bilatus ka tre ni ba, “Ahi nha mba bi son ndu mi cu cuwo ni yiwu? Barabas, ka Yesu wa ba yo wu Kristi?

¹⁸A toh ndi ba vu Yesu nno wawu nitu wa ba tie shishi ma.

¹⁹Wa arli son tu kwancima ucu'a iwa a tru (ton) yewu nda hla, “ Rju ninkon ndji yi wa ana latre na. Mi tieya kpukpo me nicu luwa ni hra nituma”

²⁰Ni ntonyi firist bi ninkon ba ni bi ninkon indji ba, baka con j'bu ndji ba ndu ba cu Barabas cuwo na wuu Yesu.

²¹Gona a mye ba “Ahi nha bi son mi cucuwo yi wu ni mi ndji ha bayi? Ba tre “Barabas”

²²Bitalus a tre ni ba “Mi tie he ni Yesu waba yo wu Kristi'a?” U ba saa wawu mbawu “Kpanwu ni gran nhama krukron”

²³A tre “Nitu ngye, a tie nfye meme?” U ba saa wu wawumbawu ngbangbanme, kpanwu ni gran nh'ma kukron'a.

²⁴Niwa Bilatus toh ndi wawu na toh tie kpyeri na u ndu tsi kana ye wluna a ban ma nglawoma ni shishi ndji ba ndatre, “Mi na he latre ni yi indji yi wa ana latre na” Tie kpye wa bi son”

²⁵U ndji ba wawuu baka tre “Ndu yima he ni tumbu ni mrli mbu”.

²⁶Wa a cu Barabas cuwo bawu nda tsi Yesu ni gbungban nda kau nno mba kpahi kpan.

²⁷U ba soja u gona baka ban Yesu hi ni hra u bubu bla trea nda nji jbu soja ye kima.

²⁸Ba siwu nda lo pli samba niwu.

²⁹Ba tie roni ncon nda kason wu ni tu nda nno kpala ni worli ma. Ba kukhwu ngbarju nda cawu yaya nda tre “Ndu Rji ziwu ichu Yahudawa!”

³⁰Ba sru nten sruu nda ban kpalaa kpan wu mituma bru-bru.

³¹Wa ba cawu yayaa bacu plima rju nda sru kpyi ma niwu, nda nji wu hi kpan.

³²Wa ba rju'a ba toh Bakurame u nde Sima nda vu ni ngbengblen nda ndu ban gran nhma kukron'a.

³³Ba ka ri ni bubu wa ba yo ndi Golgotta wa ahi “Bubu khwukhwu tu”.

³⁴Banno ima enabi wa basru nha ni kpyeri wa a rii'. A la'toh nda kama ni so.

³⁵Wa ba kpan wu a ba vu nklonma ni nra nda ga kpamba,

³⁶nda ki si gbyen wu.

³⁷Ni ko tuh ma ba yo kpye wa ba nhawu'a wa a, “Iwayi a Yesu, ichu Yahudawa”.

³⁸Ba kpan bi yi harli nha bi ni wu, iri ni korli ma, u rima ni wo ko ta ma.

³⁹Bi zren zu ni ko kima ba hlo tre ni wu nda ta whu tu mba,

⁴⁰nda tre, “Iwu wa u na zi hekali ndi mewu ni vi tra, j'bu kpame! U'ta Vren Rji uka grji ni gran kukron ye meme”.

⁴¹Firist bi ninkon ba ngame ba' caa yaya ni bi nha u ni bi ninkon ndji ba ndo tre,

⁴²A kpa bari gbujbu wa ana gbujbu ni tu ma na. Ahi chu Israila. Ndu rji ni gran kukrona, u nikiyi kie kpaymeni wu.

⁴³A' yo sron ni Rji Ndu Rji kpa juwo zizanyi Nda hi wawu yi tre “Mi VrenRji”

⁴⁴Bi ybi wa ba kpan ba ni wu ba tre to kima ngame. Ba mrewu.

⁴⁵Rji ni wru nton u tanne ibwu kaye kasu meme a wawuu hi ni wru nton u tra u yalu.

⁴⁶Whiewhiere ni wru nton u tia, Yesu ka yra gro ngbangbani me nda tra, “Eli, Eli, lama sabaktani?” waa ahi, “Irji mu, Irji mu, u kame don ni ngye?”

⁴⁷Wa bi k'rli ni kima ba wotoyi, baka tre “A si yo Iliya”

⁴⁸Iri mba ka gbla tsutsu hi ka ban rlikpanma son ni ma enabi u tsi nton nda kason ni kpala nda nzu hi niwu ndu so.

⁴⁹U mbru mba bakatre, “Donwume kie'toh ka Iliya niye kpau cuwo”

⁵⁰U Yesu ala' yra gro ngbangban me ngarli nda ka vrli (brji) ma cuwo.

⁵¹U pli wa ba yo hra kotu hekali'a ka y'ba yra ti ha rji tu'mu' grji ye ncima, u meme ka grju u tita ba ka yra tie nkan.

⁵²Ba' be' baka bwu' bi tsratsra wa bana khwu'a ba' tash'me.

⁵³Ba rju ni mi ba' be' mba wa ba ni wa atashme, nda ri ni mi gbu u tsratsra nda tsro tumba ni ndji gbugbuwu.

⁵⁴Wa hafsan soja ni indji wa basi Yesu'a ba toh grju meme ni ba kpyi wa ba tie'a ba' ka tie sisri nda tre, “Njanjimu ana hi Vren Rji”

⁵⁵Gbugbu mba wa bazihu Yesu rji ni Galili nda zowuu bana he ni kima nda si ya ni gbugban mu.

⁵⁶Ni mi mba ba'na Maryamu Magadaliya, Maryamu iyi Yesu mba Isuwu ni yi mrli Zabadi.

⁵⁷Wa yalu tie'a indji ri u wo' wa a rji ni Armatiya, unde Isuwu, nda na Vren Koh Yesu.

⁵⁸A hi ni Bilatus nda ka mye wu ikpa Yesu. U Bilatus ka ndu ba nno wuu.

⁵⁹Isuwu a ban k'mo nyi ni pli wa arju'a,

⁶⁰nda kau yo ni mi be' ma sisa wa ana tsen han mla tie a. A nyi kiekle tita hi nyu b e'a nda hi.

⁶¹Maryamu Madagaliya mba Maryamu rima bana hi ki ma nda son ni shishi b e'a.

⁶²Ni vi u haa ivi u kogon vi u mla tie, bininkon ba firist ba ni ba Farisawa baka shubi ni Bilatus.

⁶³Batre, “Tiekoh, kie taka ni nton wa u gyrundji mu a he ni sisren'a tre, “Vitra niti y'ba mi tashme”.

⁶⁴Nitu kima (nno oda) yo ba ndu ba gben be'a tie vitra kieta na tie tokima na bi huwa (mrlikohma) ba ble ye y'bi-wu nda hlani ndji “A tashme” U gyru u klekle ani zan u mumla ni meme.

⁶⁵Bilatus a hla bawu, “vu bi gben. Gben ni ngbengblen mbi wa bi he wu'a”

⁶⁶U baka hi nda kagben hra b e'a nda hrawu ni tita nda sru bi gben.