1Ko'matigeno nanterama'a maka ugagota mono kva vahe'ene, ranra kva vahe'mo'za atru huza Jisasi ahefrisnaza naneke hunaki'naze.
2Ana hute'za Jisasina azeri'za nofi kite'za, rankumamofo kagota kva ne' (Gavana) Paeroti avare'za omemi'naze.
3Komoru huno avare zami'nea ne' Judasi'a antahiama Jisasi frigahie kema nentahino'a, rama'a asuza e'nerino, tagufa azotama ami'naza zgo'a erino ugagota mono kava vahete'ene ranra vahete vuno,
4amanage hu'ne, hazenke'a omane ne'ma komoru hu'na avare tamuana, nagra kumi hue huno hige'za zamagra anage hu'naze, tagri zana omane'neanki kagri'zane hu'naze.
5Judasi ana zgo'a mate'vuno ra mono nomofo agu'afi netreno, vuno kana ome he'ne.
6Ugagota mono kva vahe'mo'za ana zgo eneriza anage hu'naze, trakemo'a i'o hu'negu vahe'ma zamahe frikuma mizama ase'naza zgo'a mono nomofo zgo tafempina ontegahu'ne.
7Anante kehuge antahige hute'za, ana zgonuti mopa kvo tro nehia ne'mofo mopa, ru kazigati emani vahe fri hanageta asezamantesuna mope hu'za mizase'naze.
8Amana kegafare, ana mopagura kora mope hu'za meninena nehaze.
9Anante kasnampa ke Jeremaia hunte'nea kemo avufga'a fore hu'ne. Israeli vahe'mo'za agri avufgare huhamprinte'naza 30ti'a silva zgoa zmagra eri'naze,
10nehu'za ana zgoa eri'za, Ramo nasmi'nea kante mopa kvo tro' nehia ne'mofo mopa miza segahaze.
11Jisasi'a anante ra kumamofo kva (Gavana) ne' avuga uotigeno agenoka huno, Kagra Jiu vahemokizmi Kini mani'nano? Izo e'ima kagra nehanane, huno Jisasi ke'nona hu'ne.
12Hagi ra mono kva vahe'mo'zane, ranra kva vahe'mo'za naneke humanentageno'a Jisasi'a kenona huozmante'ne.
13Anante Paeroti'a amanage hu'ne, hakare hazenkema hu'nana zanku'ma naneke'ma huma negantazana nentahimpi?
14Jisasi'a magore huno keagama huntea kerera, ke nona'a osutfa higeno, Paeroti'a tusi'a antari hu'ne.
15Ra kumate kva ne'mo'a agri'a avu'avakino mika kafurera kinafinti zamavre'nea knare muse hu'za kave ne zupa (pasova) kinafinti zamesimofonku hazageno avare fegu'a netreane.
16Hagi ana knafina mago nera agi'a Barabasi'e tusi hazenketi'nea ne' kina nompi mani'ne.
17Maka veama atru hutageno'a, Paeroti'a zamantahigeno, azanku tamenesi'a katufe tamisue? Barabasipi, Jisasinku Kraisi'ema nehaza nere?
18Krunonkema Jisasi hunte'za avare'za eme ami'nazana agra antahinokeno hu'ne.
19Paeroti'a ke refakohu tra'are'ma mani'negeno'a, nenaro'a ke atregeno vu'ne. Meni kenagera mse'ne'na Agrite'ma ke'noa avanamo'a tusi ngogofe'ne. E'i Nera fatgo ne' mani'neanki, mago zana huonto.
20Hianagi ra mono kva vahe'mo'zane, ranra kva vahe'mo'za, Barabasi tamiho nehutma Jisasina ahefrio hutma hiho, hu'za mika atru hunaza veara masave ke zmasami'naze.
21Hianagi rankuma kva ne'mo'a, ama tare netrempitira inamofonku tamenesigu nagra katufe tamisue? Higeza zamagra Barabasie hu'naze.
22Paeroti'a zmasamino, Jisasinku tazahu ne' Kraisi'ema nehaza nera na'a huntesuegu tamenesi'e? Hige'za ana mika veamo'za, Rugeka zafare aho, hu'za kezatiza hzageno,
23Paeroti'a kenona huzmanteno, Naza havizana hu'negeta neheze? huno hige'za, mago'ene kezati'za, Rugeka'zafare ahegeno frino.
24Paeroti'a keana maka vea'moza ra kege hazageno, mago'za huga nosuno tifino hakare vea zamufi aza sese nehuno, ama ne'mofo kora kumira nagripina omanegahianki, tmagri zane hu'ne.
25Hakare veamo'za ke nona'a hu'za, atregeno agri kora kumimo'a, tagripine mofavreti'fine meno, hu'naze.
26Anante Paeroti'a Barabasina atregeno vigeno, Jisasina sefu amite'za rugeka zafare hesnazegu avare'zmine.
27Rankumate kva ne'mofo sondia vahe'mo'za Jisasi avare'za ana nemofo kumapi mika sondia vahe nemniza kumate ufrageno regaginte'naze.
28Anante Jisasina kukena'a eri'hate netre'za koranke kukena hunente'za,
29ave'ave nofite kini vahe'mokizmi fetorikna huza tro hu'za asenire antaninte'za, azota tmaga azampi erinte'naze. Hagi avuga kaziga zamarena renamagi'za revatga nehu'za, Jiu vahe'mokizmi kini nera ama'ne! hu'za hu'naze.
30Zametu ahenente'za azampinti azota hanare'za anumpi amasgi'naze.
31Ana hu'za huhaviza huntete'za, ana koranke kukena hatenetre'za, agri kukena ete erihuntete'za, rugeka zafare aheza hantinaku avare'za vu'naze.
32Anama atinerami'zageno mago nera Sairini kazigati Saimoni'e hu'za nehaza ne' eme nege'za, Jisasi rugeka zafa eri kofino vinogu tutu hunte'naze.
33Mago kumara aseni zaferine nehazare (Golgota) uhanatinaze.
34Anante waini timpi akaza erihava hute'za, Jisasi amizageno neno keana higeno, one'ne.
35Rugeka zafare azerinte'za hanto'ma ahete'za kukena refako huku kasi zokago (tais) re'naze.
36Anante Jisasinte kvagri'za mani'naze.
37Hagi anuntega avoma kre'za ahentenazana, ama nera Jisasi'e. Jiu vahe'mokizmi kini nere hu'naze.
38Anante ruga raga asopare kumzafa netrena rugeka zafare znahe'za magoka hanti'naze.
39Hagi ana kante agatere'za vu'za e'za haza vahe'mo'za, azanva ke nehu'za zmagena ru'za,
40amanage hu'naze, Kagra ra mono nona tapage hunka tagufa knafina ete kivga'regahue hu'nane, hagi Anumzamofo Mofavre mani'nesnunka kagraka'a kza hunka rugeka zafaretira eramio.
41Anahu kante anteza ugagota prisi vahe'mozane, kasegere ugagota hunaza vahe'mozane, ranra vahe'moza azanva ke nehu'za amanage hu'naze.
42Ru vahe'mokizmi zamagu vazineanagi Agra'a agura novazie. Israeli vahe'mokizmi Kinima maninesuno'a! Atregeno rugeka zafaretira menina eraminketa, tagra Agrite tamentinti hamaneno.
43Anumzanku amentinti nehie. Atregeno Anumzamo avesima antesuno'a menina aguvazino, na'ankure Anumzamofo Mofavre mani'noe huno hu'ne.
44Hagi tare kumzafa netre Agri'ene znahe'za hantinaza netremokea, ana zanke huke huhaviza hunte'na'e. (Sam-Zga 22:7-8)
45Zgemo anuntupi me'negeno mika mopane haninkino kinaga 3 kiloki uhanitine.
46Jisasi'a ranke huno, Eloi eloi lema sabaktani, Hibru kefina Anumzanimoke, Anumzanimoke, nahigenka kamagena hune'namine huno hu'ne. (Sam-Zga 22:1)
47Anage hige'za anante mago'a oti'za mani'namo'za nentahiza, Ilaijanku ke nehie hu'naze.
48Ame huno mago'zimimo agareno kapuku (Spans) urino aka waini timpi areteno zotare antenagamu teno Jisasi nesiegu ami'ne.
49Ruga'amo'za anage hu'naze. Ilaija eme agu vazigahifi atre'nenketa kamaneno, hu'za hu'naze.
50Jisasi mago'ene kezatino ra krafa nehuno, asimu'a atreno fri'ne.
51Anama nehigeno'a, ra mono nomofo kasante tfi'nea tavravemo amu'nompinti sgane huno nagamuti tami'ne. Ana nehigeno imi enerigeno, ranra haveramimo rutane herafine.
52Ana nehigeno fri vahe'mofo keriramimo, hagro nehige'za korapa'ma rama'a fatgo veama fri'namo'za oti'naze.
53Jisasima otitege'za, matipinti otite'za Jerusale ruotage hu'nea rankumapi ufre'za hakare vahete eama hu'naze.
54Anante 100ti'a sondia vahe'mokizmi kva ne'ene, mago'ama Jisasinte kvagri'naza sondia vahe'moza imima enerigeno fore hiaza nege'za tusi kore nehu'za, Tamage ama Nera Anumzamofo Mofavre! hu'naze.
55Galili kazigati hakare a'nenemo'za, aza nehu'za magoka vano nehazamo'za anampi ogamu'a mani'ne'za ke'naze.
56Ana a'nefina, mago a'ra Maria'e Makdala kazigatire. Hagi mago a'ra Jemisine Josefegizni neznerera Maria'e. Hagi mago a'ra Zeveti mofavre'mokizini neznera'e.
57Kinaga segeno mago afufenone nera agi'a Josefe, Jisasi amage nentea ne' Arimatia kazigati e'ne.
58Paerotinte vuno Jisasi avufga amisiegu ome antahige'ne. Paerati'a Jisasi avufga eriamiho higeno, sondia vahe'mo'za eri ami'naze.
59Josefe kahefa tavaravefi erinteno ano vazino,
60agri'a keri havefi kasefa asente'nazafi ome asenteno, ra have retufeno ana have kana runkni reteno vu'ne.
61Hagi ana kerimofo tva'onte kanti kaziga, mago ara Maria Makdala kazigati a'ene, Mariake anantera mani'nene ke'na'e.
62Trotra huknamo vagaregeno mni fruhu knamofo amefi zupa ra mono kva vahe'mozane, Farisi mono vahe mo'zane Paerotinte vu'za,
63amanage hu'naze. Ra nemoke ana havige ne'mo ofri mani'neno amanage hu'ne. Frite'na tagufa kna mnitena, ete otigahue hu'nea kegu nentahune.
64Ana hu'negu huzmantege'za, vu'za ana kerire tagufa knafina ome kva hiho. Ru agri'ma amage'ma nentaza disaipol vahe'moza e'za avufga'a musufa emeneriza, vahe'mokzimi zmasamiza Jisasi'a frinefinti otine hanaza kemo'a, kote krunage zmia agatereno, rankrunage fore hugahie.
65Paeroti amanage huno zamasmi'ne, sondia vahe ome zmavreta tamagra ma antahizaza huta ome kva hiho.
66Hagi zmagra sondia vahe'ene vu'za, ana have rezahe hutre'zanku kase ome hunente'za sondia vahe'moza kegva hu'naze.
