Maliku 4:32-40

³²Tsono akaibzala, imbamera, mbeu ire icikula kuposa miti inango iri yentse. Icicita mithawi mikulu-mikulu, na tenepo mbalame zimbakwanisa kumanga bzitsa munthunzi wace.”

³³Jezu akhalewa nawo na mifananizo mizinji ninga imwei, pakundendemeza na ndzeru za wanthuwo.

³⁴akhalewa lini acisaya kuwapasa mifananizo. Tsono akhati akakhala payekha na wakupfundzira wace, akhambawafokotozera bzentse.

³⁵Ntsiku imwe ire, kumaulo kwace, Jezu adauza wakupfundzira wace kuti, “Mbatiyendeni tiyambuke, tiyende nga'mbuire.”

³⁶Ndipo iwo adagoneka mbumba ire acitenga mwadiya omwe iye akhali. miyadiya inango ikhaenda naye pabodzi

³⁷Tsono padadzayamba condzi camphambvu. Mabimbi yakhayamba kupita mmwadiyamo, na tenepo udayamba kudzala na madzi.

³⁸Tsono nthawe yomweyo Jezu akhali mambuyo mwa mwadiyamo, akhadagona acitsamira mtsago. Pamwepo wakupfundzira wale adam'musa, aciti, “Misiri, tinifa mulibe thupo?”

³⁹Jezu adamuka, ndipo adalewa kwa mphepoyo, acilamula mabimbi kuti, “Derekha! Khala zii!” Mphepo ire idaleka cadidi, ndipo padadzakhala ziiii

⁴⁰Pamwepo Jezu adawabvundza kuti, “Thangwe ranyi muna mantha? Kodi imwepo mundikhulupilira lini?”