San Marcos 4:32-40

³²Pero, ijkuak se kitlalpachoa, ixwa iwa moskaltia okachi weyi ke nochteh n tlátokteh, iwa itech wejweyijtikeh imamayowah n totomeh motepajsoltiah itlampa itlasekawilo.

³³Ika miakeh tlapoálisteh Jesús okinmachtiaya n kualitlájtoli asta kan yejwah okajsikamatiah.

³⁴Nochipa okintlapowiayah ika tlapoálisteh, pero ijkuak sa Ye omokawaya iwan itlamachtijkawah, nochi okinmajsikamatiltiaya.

³⁵Non tonati ijkuak yotlajkajtik Jesús okinmili itlamachtijkawah: —Matikojchalwikah n lago.

³⁶Ijkuak yokinmakajkeh n tlakah, itlamachtijkawah okiwikakeh n Jesús itech barka, iwa oksikimeh barkas inwah oyajkeh.

³⁷Ijkuakó owalmokajka se ejekatl chikaktik iwa n atl opé motlatlamotla ijtik barka iwa opé atemi.

³⁸Jesús okochtoka tlakuitlapa iwa okimokpalti se íkpali, iwa itlamachtijkawah okijxititoh iwa okilijkeh: —¡Tlamachti! ¡Xiijsa, tiapolakih!

³⁹Ijkuakó Jesús owalme iwa okitlakawalti n ejekatl, iwa okili n atl: —¡Ximoyekmana! Iwa n ejekatl omóketski iwa nochi san owaltlamoka.

⁴⁰Otlanki Jesús okinmili itlamachtijkawah: —¿Tleka satlawel nonmawih? ¡Ayamó nontlaneltokah!