Maleko 4:32-40

³²Hige walolona ya in, be gabu anꞌandi haisa ya tubu famulidi na ataiꞌa sa lofoma be lagadi logulogudi yai edi nohi sa ginaulidi.

³³Heyaheyason boludi doha itete Yesu ya fapaisowadi be dodoga enehedi ya dede, be haba gonowana sa nuwatuhu lobahidi.

³⁴Heyaheyason yai moho ya falibadi na yena iyabodi mate aniyodi ya dede famahatadi tau famuli watanna lisidi yai.

³⁵Maimailafina Yesu tau famuli watanina ya falibadi iyen, Haga ta lau gabogabo tefana.

³⁶Waga haisa amainiya hinaga. Tau famuli watanina baiwa sa lau afuledi, na sa awa lau Yesu ena aba taꞌataꞌai wagana yai be sa lau tefa.

³⁷Hige walolona hwayahwayau adiꞌadidilina ya towa be bagodu sa hin diꞌo. Begana haba waga sa famohafu.

³⁸Yesu ya eno unuwa yai waga mulina yai. Tau famuli watanina sa fanohi tiyen, Tanuwaga! Haba te peꞌi. Sidohana hige u mode?

³⁹Yesu ya obiyo be ya liba adidili lau hwayahwayau yo bagodu lisidi iyen, Au fatautau! Yo fede hwayahwayau ya towa motu na ya daumwali fuyo.

⁴⁰Habahim Yesu ya falibadi iyebom, Sidohana be ami ꞌwasabu? Emi sunuma, e higeꞌe?