32Sun pippa wakane, chikmu. Chiktawane, kwisha azain kawirɨm. Katsa tailpura kawirɨm, tɨ ayukmal chitchu yal sanapa. Sunkana Diospa kwal kawirɨm,” kiznara.
33Kawarain Jesúsne sun masas kamtam kwintakasa kamtanara, awa piankamanakima.
34Jesúsne masas kamtam kwintakasa chi paranarachi. Jesúsne paiña kammuruza sun masas kamtam kwintara kamtanara, piankamanakima.
35Sun payura tɨl pakane, Jesúsne kammuruza kaiznara: —Pi kwakara ɨzhain, kiznara.
36Akkwan awaras puzarawane, paiña kammuruzne Jesúskasa kanuara waat kit kwakara ɨara. Akkwan kanuakas usparuzkasa ɨara.
37Katsa tɨnta inkwa pamɨzta. Inkwane pira nuppain kit kwazi kanuara palakpɨnta. Pi punmɨzta.
38Jesúsne kanua pɨlmal tut kit kwakmura pitta. Uspane ussa izkulnin kit mɨmaara: —Anpat. Aune pi kwaanapain makpas, kizara. ¿Nune nɨjchimakish?
39Usne izkul kit kuhsak kit inkwara kaizta: —¡Inkwa pamun! kizta. Pira kaizta: —¡Kialmun! ¡Kalpain! kizta. Inkwane pailta. Pine kalpain parɨt.
40Usne kammuruza mɨmanara: —¿Chitma ishkuanas? ¿Diosta nɨjkultuchimakkiwas? Diosne umɨza kwira kinanazi, kiznara.
San Marcos 4
San Marcos 4:32-40