Luku 6:27-44

²⁷Hianagi anage hu'na neramasamue, izagato kema hugeta nentahimota, ha' vahetamia zamamesi nezmanteta, antahi haviza huneramantesaza vahera, knare tmavutmava huzmanteho.

²⁸Tamazeri havizahu ke huramantesaza vahera, asomu ke hunezmanteta, havi zmavu'zmava huramantesaza vahera nunamu huzmanteho.

²⁹Kameragente kahesimofona, rukrahe hugeno mago kazigane kaheno. Nakre kuka'a erisimofona, atregeno sioti ka'ane erino.

³⁰Mago'a zanku kantahi'gesagenka zami'nenana vahe'mokizmia, ete ome hanavege huzmantenka e'orio.

³¹Kagri'ma rumo'zama so'e zmuzma hugantesazegu'ma kave'nesiankna hunka rumokizmia, kagra so'e kavukva huzmanto.

³²Tamagri'ma tamesintesia vahe'ma, zmesi zmantesuta, nankna knare'za erigahaze? Na'ankure kumi' vahe'mo'zanena, zmesizmantaza vahera zamagri'enena anahukna hu'za zmesi nezmantaze.

³³Tamagrama, knare zamavuzmava huramantesaza vahe'ma, knare tamavutmava huzmentesuta, nankna knare'za erigahaze? Na'ankure kumi vahe'mo'za anahukna zmavuzmava zamagranena nehze.

³⁴Nofi'ma hu'za erite'za, ete anama'a eme namigahaze hunka antahi nezaminka zamisanana, nankna knare'za erigahaze? Kumi' vahe'mo'zanena anahukna hu'za kumi vahe'mofozana erite'za, ete nofima hu'nazana ana maka eme apanesaze.

³⁵Hianagi ha' vahe tamia tamavesinezmanteta knare tamavutmava hunezmanteta nofi'ma hu'za erisazana mago'zana ete nona'a erigahune huta ontahiho. E'i'nama hanuta mizantamimo'a rama'a me'nena, tamagra Mrerisa Anumzamofo mofavrerami manigahaze. Na'ankure susu hunontaza vahe'ene, havi vahe'mokizmi'a so'e hunezmantaze.

³⁶Nafatmimo'ma asunku hunermanteaza hutma, tamagranena tmasunku huzmanteho.

³⁷Rumokizmi maniza refako'ma huozmantesankeno'a, kagri mni'zanena Anumzamo'a refako huogantegahie. Vahe'mofo kumi'zmi atrezmantesnage'za Anumzamo'a tamagri'enena kumitamia atreramantegahie. Haviza huramantesia vahe'mokizmi kumizmi atrezmante'nage'za tamagri'enena atreramantegahaze.

³⁸Vahe'ma kagrama zaminankeno'a kagri'enena anazanke huno negamino, knare'za huno rentrako traku huno kamina, aviteno herafiramino evugahie. Na'ankure kagrama vahe'ma zamisana avamente, kagri enena anazanke huno kamigahie.

³⁹Jisasi'a anage huno fronka kea zmasami'ne. Avu asuhu ne'mo'a, ete mago avu asuhu nera avazu huno vugahifi? I'o znagra ana taregamoke kerifi uoramigaha'e.

⁴⁰Mago avo noma nehimo'a, rempima humi nera agateore'ne. Hianagi iza'o rempima humia antahiza eri vgareteno rempima huzami vahekna nehie.

⁴¹Na'a higenka kugusopa negafu avufima me'neana negenka, tusi'a zafa kofa kavufima me'neana ke'so'e nosane?

⁴²Nankna hunka negafunkura, nenafuo osasi'za kavufi me'neana natregena eri atraneno nehunka, tusi'a zafa kofa kavufi me'neana ke so'e nosano? Kagra tavre vahe mni'nane! Ese'zana tusi'a zafa kofa kavufi me'neana eri atrenka, kavua ke so'e nehunka, osi kugusopa negafu avufi me'neana eritregahane.

⁴³Na'ankure knare zafamo'a havi raga'a renonte. Hagi havi zafamo'a knare rga renonte.

⁴⁴Na'ankure magoke magoke zafamo'a agra'a gna rgama rentenire kegahane. Ave'ave trazampintira vahe'moza fiki rga noragize. Ave'ave trazampintira vahe'mo'za krepi rga noragize.