Luka 9:16-52

¹⁶A o Isus lija e pandž mangre thaj e duj mačhe, dikhla ando nebo, blagoslovisardalen thaj phagla o mangro pa dija pire učenikonenđe te podelisaren e themešće.

¹⁷Savora haline dok či čaljile. Thaj katar okova so ačhilo e themešće ćidine dešuduj pherde korpe kotora mangre thaj mačhe.

¹⁸Jekhvar dok o Isus crdape po korkoro than te molilaspe, lesa sas samo lešće dešuduj učenikurija. Pale godova phučlalen: “So phenel o them, ko sem me?”

¹⁹Von phendine: “Varesave phenen kaj san o Jovano savo bolelas, aver kaj san o proroko Ilija, a trite palem kaj uštilo andar e mule varesavo katar aver purane prorokurja.”

²⁰A vo phučla len: “A tumen, so tumen phenen, ko sem me?” A o Petar phendas: “Hristo Pomazaniko e Devlesko!”

²¹A o Isus zapovedisardas lenđe te na phenen khoniašće kaj si vo o Mesija.

²²Thaj phendas: “Kaj me, o Čhavo e Manušesko, trubul but te trpisarav. E starešine, e šorvale rašaja thaj e sikavne e Mojsiješće zakonestar odbacinaman. Mudarena man aj me o trito đes uštava andar e mule.”

²³Pale godova o Isus phendas savorenđe: “Ako vareko kamel te avel mungro sledbeniko, neka odreknilpes korkoro pestar, nek svako đes lel piro trušul thaj nek džal pale mande.

²⁴Kaj svako ko kamel te spasisarel piro trajo, hasarelales; a ko hasarel piro trajo zbog mande, godova spasilales.

²⁵Kaj savi korist si e manušesće ako zadobisarel sa o them, a korkoro pes hasarel ili pešće naudil?”

²⁶Ko ladžal mandar thaj mungre alavendar, lestar vi me, o Čhavo e Manušesko, ladžava kana avava ande slava mungri thaj e slava mungre Dadešći thaj e svete anđelenđi.”

²⁷“Čačes phenav tumenđe: 'Varesave save si akate tumendar či merena dok či dićhen e Devlesko carstvo.'”

²⁸A kana nakhla varekaj katar ohto đes katar godola alava o Isus lijas pesa e Petre, e Jovano thaj e Jakove ande gora te pomolilpe.

²⁹Dok molilaspe, lesko muj promenisajlo, a e drze pe leste postanisardine parne thaj sjajne.

³⁰Ande godova pojavisajle duj manuša thaj ćerenas svato e Isusesa. Sas godova o Mojsija thaj o Ilija.

³¹Pojavisajle ande slava thaj ćerenas lesa svato pale lesko smrto savo trubul te avel savo trubul još cara te avel ando Jerusalimo.

³²E Petre thaj lešće drugaren lija e lindri. Kana džungadile, dikhline lešći slava thaj duj manušen save ačhenas lesa.

³³Thaj dok godola duj džene von džanastar lestar, o Petar phendas e Isuseće: “Sikavneja, lačhe kaj sam kate. Te ćeras trin sjenice: jek tuće, jek e Mojsijašće, thaj jek e Ilijašće.” Či džangla so phenel.

³⁴Dok vo godova još motholas, pojavisajlo o oblako thaj zasinisardalen. Kana o oblako učhardalen lijalen e bari dar.

³⁵A o glaso ašundilo andar godova oblako: “Akava si mungro Čhavo mungro saves odabirisardem! Leste čhon kan.

³⁶Baš kana ašundilo o glaso, o Isus ačhilo korkoro. E učenikurja ačhenas thaj askal još khonikašće khanči či phendine pale okova so dikhline.

³⁷A kana thejra o đes o Isus thaj lešće učenikurja fuljistine katar e gora, avilo angle leste o but o them.

³⁸Askal varesosko manuš savo sas maškar o them čhuta muj: “Sikavneja, molivtu dik mungre čhave, kaj si manđe jedinco.”

³⁹Inćareles o bilačho duho. Askal andar jekhvar počnisarda te čhol muj; čhudel pes thaj e spuma del lešće po muj. Gata nikada či mućelas les thaj uništisarel les.

⁴⁰Molisardem ćire učenikonen te traden le avri ali von naštik tradineles.”

⁴¹A o Isus phendas lenđe: “O bilačhe thaj bi paćako manušalen! Kozom semasa tumenca a tuman či paćan. Pučaman kozom još trpiva tumen! Anakaring ćire čhave!”

⁴²Dok o čhavro avelas paše, o bilačho duho haradasle pe phuv thaj ćhinosardas les. A o Isus zapovedisardas e bilačhe duhošće thaj odma sastarda e čhave thaj dijale lešće dadešće.

⁴³Savora divisajle e Devlešće veličinaće. Thaj dok savora čudinaspe okolešće so ćerelas o Isus, phendas pire učenikonenđe:

⁴⁴“Lačhe zapamtisaren so phenav tumenđe: Me, o Čhavo e Manušesko, avava dino ande vas e manušenđe.

⁴⁵A von či haćardine so phenel lenđe kaj nas lenđe dino te haćaren; o značenje sas lendar garado a daranas te phučen les te objasnil lenđe.

⁴⁶E učenikurja počnisardine te raspravinpes ko maškar lende šaj avilosas majvažno.

⁴⁷O Isus džangla so si ande lenđe ile, thaj lija e cikne čhavre, čhutale paše peste

⁴⁸thaj phendas lenđe: “Kogot primisarel akale cikne čhavre zbog mande, man prihvatisarel. A ko man prihvatisarel e Devles savo bičhaldaman. O Del smatril kaj si majvažno okova savo si maj ponizno maškar tumende!”

⁴⁹Askal o Jovano phendas: “Sikavneja, dikhlam jećhe kaj ande ćiro alav tradel e bilačhe duhonen. Amen phendam lešće te na ćerel godova, kaj či džal pale tute.”

⁵⁰A o Isus phendas lešće: “Na branisaaren lešće! Kaj ko naj protiv tumende, pale tumende si!”

⁵¹Kana avili maj paše e vrjama te o Isus boldelpes ando nebo, vo zurale odlučisarda te džan ando Jerusalimo.

⁵²Thaj bičhalda e glasnikonen angle peste. Von đele thaj dine ande varesosko Samarijsko gav te pripremin lešće than kaj raćarela.