Luka 1:53-61

⁵³Aniꞌa vinizeꞌeteꞌe azaḡa ḡau manoḡa zenadu ze idararo. U maꞌora azaḡaꞌe ꞌevore isoḡa tuḡuze onamiro.

⁵⁴Badiꞌaꞌa emeḡe vouḡa Aberahamo zu ane mariga veize ḡoitoriro, raenaꞌa, 'E zae izidiꞌonoꞌo mada tuḡutuḡu vetuḡaziꞌeꞌuma.' Ebu izidi aniꞌa ḡoitoriroteꞌe ḡoeꞌa zamaradu eḡe zu ane Isaraela tuḡure azaḡa danafiro.”

⁵⁶Ebu Maria ani Elisabeta teite bato uḡidu radadu bare neḡa onamiro.

⁵⁷Elisabetaꞌa ene maꞌeteꞌe madaḡa meirotene, ani ubuga fureniro.

⁵⁸Ebu neḡa azaḡa zu nabuganiꞌa Elisabetaꞌe Badiꞌaꞌa manohuga boro haroteꞌe egadu ze ane teite matuꞌiro.

⁵⁹Ebu mada 8 meirotene, ze tahiꞌa ꞌadi ahiꞌa ogaḡa rana iḡuri haḡaeꞌeteꞌe haḡaiḡa ḡianifine onairo. Zeḡe tahiꞌa ꞌadi niḡaꞌe moga Zakaria ni turahihi reiro.

⁶⁰Rehano viꞌaniꞌa ziro, raenaꞌa, “Mene, ani niḡaꞌe Ioane rae turahiꞌuma.”

⁶¹Ebu zeꞌa naenaeninaꞌa, “Ioanehe? Ḡa nabugo boꞌaḡano ni ꞌadiꞌe oꞌoꞌa!”