Luk 1:53-61

⁵³La nap̃a viso kar la, pagan ruru la, li na suri moki, m̃ene plan la, limala korena ga.

⁵⁴Kila sa nap̃a pisaar pa repita lala, pimi miila ita kiena le Israel lala. Pe sinen p̃esan re Epraam poli, sinen ye luen ga kiena piaparavi, vano-o ve uro re.”

⁵⁶Yauena kiena ne Maria nane p̃isi e nene, a naga sike amio Lesipet pano-o tol kupario telu, siraunia p̃asup̃e si pa m̃ana um̃a.

⁵⁷Ana pimi tol ruru pogos na narina ne Lesipet vaeme, ana paeme pe mom̃e.

⁵⁸Ana pogos nap̃a namratava puna ne Lesipet amio la nap̃a asike lavisinia amloge suri nene, akekara pap̃isi amio naga e pupia sinewo kiena ne Ntewa nap̃a pimi pania, nap̃a nanua sumo naga pe lum̃alum̃a ga, ana nanagane narina nasumo nane paeme ne.

⁵⁹Ana pogos nap̃a sisi nene kiena legiena olua, apimin akila naga pe p̃aviu. E pogos nene, la sinelan asape asikia m̃ena kien kia, Sakaraea, sane kia kiena ne arimana,

⁶⁰ana anena pisa lup̃aria, pisape “Peraga, kiena kia, Yoane.”

⁶¹Ana la apis pania, apisape “Ya ne sanene? Namratava pum̃a na pe amligan re kia tai sanene e poli!”