Lucas 1:53-61

⁵³Gintawan na ang mayad nga mga butang ang mga pobri, Piro ang mga manggaranun tana ginpaalin na lang nga ara gid dara.

⁵⁴Kita nga anang mga sorogoon, nga mga kaapo-apoan ni Israel, ana nga ginboligan. Ay ara na paglipati anang pangako sa atun mga kaolang-olangan, nga si Abraham kag sa anang mga lai kaloyan na sa ara kataposan!” Maman dia anang ginpangambal ni Maria.

⁵⁶Kag nagtinir tana doto kanday Elizabet mga tatlo ka bolan bago tana nagoli.

⁵⁷Karon nagabot ron ang oras nga inogbata ni Elizabet, kag nagbata tana lalaki.

⁵⁸Pagkabati anang mga kamalay kag mga paryinti nga tana ginkaloyan nga mayad ang Ginoo, nagkalipay sanda kaiban ni Elizabet.

⁵⁹Datong walo ron ka adlaw ang bata, nagabot anang mga kamalay kag mga paryinti agud toriun ang bata sono sa andang nakaogalian. Aranan nanda tana andan nga Zacarias pario anang aran anang tatay,

⁶⁰garing indi magkompormi si Elizabet. Makon na, “Indi maimo, Juan tana ang iaran kanana.”

⁶¹Makon nanda, “Basi dato? Ara kamo gid paryinti nga toladan anang aran.”