Luka 1:53-61

⁵³Alahá ahiánfɔ bamlí ɩwɩ anyapʋ́, há ɩwɩ anyapʋ́ banátɩ́ ɩbɩkpan.

⁵⁴Alakpá mʋ asúmpʋ́ Israelfɔ. Ɔmɛtan ánɩ́ ɔlɛblɩ́ ɔbɛ́ɛ, mówun anɩ anáin Abraham mʋa mʋ abí-aná nwɛ brɛ́ fɛ́ɛ́, fɛ́ alɩá ɔlɛbláa amʋ́.” Alɩ Maria lɔ́mɔ mʋ ɩlʋ ámʋ ɔnɔ́ nɩ́.

⁵⁶Oletsiá Elisabet wá fɛ́ tsra asa asa oleyinkí yɔ́ wóyí.

⁵⁷Brɛ́á Elisabet lɔ́bɔkwɩɩ́ á, ɔlɔkwɩɩ́ obi yinhɛ́.

⁵⁸Mʋ abusuanfɔ pʋ́ mʋ aba bonu ánɩ́ anɩ Wíe Bulu lahɩ́ɛ́ wun mʋ nwɛ. Mʋ́ sʋ ansɩ́ légyi amʋ́ fɛ́ɛ́.

⁵⁹Obí ámʋ lénya ndawɔ́tswɩ́ á, mʋ ɩwɩsʋ ahá bɛba mʋ obuto ɔlɛkpá, abʋtɩn mʋ keté, dɩnka mʋ dá. Tɛkɩ bɛɛ abʋpʋ mʋ sɩ dá Sakaria dɩnka mʋ,

⁶⁰támɛ mʋ yin lɛ́bláa amʋ́ ɔbɛ́ɛ, “Ó-o! Mlɩdɩnka mʋ Yohane.”

⁶¹Ahá ámʋ bɛbláa mʋ bɛɛ, “Anɩmɔ́kʋ́nú abʋtɩ fʋ́ obusuanyin ɔkʋkʋ alɩ kɩ.”