Lukase 1:53-61

⁵³Achyɛ́ menyɛɛ́ mbaá bɔɔ́ bí alú mesa, ne abú afwa áfɛ́ amu máwa.

⁵⁴Ate menomenyɛ ɛwé ji abɔ́ anyɛɛ́ ne ukwéne antɛ sé, ne náná achwɔ́ mampoó baá Isrɛli, bɔɔ́ utɔɔ́ bií. Apyɛ wyɛ ndɛre ji abɔ́ anyɛ́meno nnó agɛne Abraham meshwɛ, ne upyáne bií tɛ kwyakwya!”

⁵⁶Mɛri ajɔ́gé mbɔ, abɛlé ne Ɛlisabɛt genógé amfaá alɛɛ́, ne ákeré meso melɔ wuú.

⁵⁷Gébé gékwɔ́négé ɛyígé Ɛlisabɛt ábyɛ́ne, abyɛ maá mende.

⁵⁸Atɛ áŋmɛ́ ne bɔɔ́ ulagepú bií, aké áwúu nnó Ata Ɛsɔwɔ agɛ́ ji meshwɛ achyɛ́ ji nebɔ, matɔɔ́ ágɔ bwɔ́ ako.

⁵⁹Ne ndɔ́ ɛ́nee ɛ́kwɔ́négé áchwɔ́ mansɔ́ ji nsɔ́ ne ábɔ́ álú mamfyɛ ji mabɔ ntɛ wuú Sakariya.

⁶⁰Mma wuú aké ŋgba, “Ákúu ji Jɔn.”

⁶¹Yɛ́mbɔ áké ne ji, “Yɛ́ muú ula gepú wyɛ́ fɔ ayi awya mabɔ mímbɔ apɔ́.”