Lukas 1:53-61

⁵³Ve yes tau pitool zi na, i igham gabua popoia pazi, ve tighan le isooŋ zi. Eemon kuaz tauŋa, i iziir zi tighau tila toman nimazi ŋginaaŋa mon.

⁵⁴Muuŋ, i imbu saveeŋ tomania timbuunŋa tauvene: I pale loolo isaghatin Abaram ve paaghu tooni, ve iuul zi taghon taghon gha ila. Tauta aazne, maata iŋgal besooŋa tooni Israel, ve iuul zi.”

⁵⁶Maria ileep tomania Elisabet irau kaiyo tol ma vene, ra iburig imuul ila pa nugh tooni.

⁵⁷Elisabet saawe tooni to popaaŋ ivot, ve ipoop tamoot.

⁵⁸Ziiri waaro tooni tomania zeetŋa siriv tau ruum toozi igharau na, tilooŋ Elisabet vaaru tighe Ŋeer Tiina loolo isaghatini ve igham uleeŋ tiina pani. Tauta yesŋa Elisabet lolozi poia.

⁵⁹Tileep le mboŋ imin liim ve tol, ra zetazŋa tilam pa uraat to ravuuŋ marani tana waaro. Ve tighe tiwaat taama Sakaria eeza pani.

⁶⁰Eemon tiina isaav pazi ighe: “Mako! Tawaat eeza Yoan.”

⁶¹Yes tiyol aliiŋa tighe: “Ene poia. Eemon ziiri waaro tsio eta eeza tauvene mako.”