53Nyɩma -wa 'klɩ mɩa 'bhada, ɔ ka wa -lu -zɔnʋ 'nyɛ duun, 'ɩn ɔ yia 'ŋnɩmnɩnya vu, wa kwɛ klo nya.
54Ɔ ka ɔ lubhonʋnyɔ *Izlaɛlɩ -yɔbɛ. 'Ɩn ɔ 'nɩ ɔ nyazɩdlɩɩ lɛnʋgbʋ 'wʋdlʋ, *Ablaamʋ -yɔ ɔ 'yuoyuaa gbɛgbɛɩn, -zʋ weee nya. Sa ɔ gbaa -amɩaa dʋkpasɩ -yla, 'sa ɔ mɩa we nʋda.»
56Malii -dɩlɩa Elizabɛtɩɩ -gbɛ la, we li sa 'cʋ ta, 'bhie, ɔ yia ɔ -zɔɔ lʋmnɩ.
57Bhla -we nya Elizabɛtɩ 'kaa 'wlusa we nynia, 'ɩn ɔ yia nʋkpasuyu gwalɩ.
58Elizabɛtɩɩ kwesinyɩma -yɔ ɔ zʋayli -nyɩma 'nʋa nɩɩ, Jejitapɛ ka Elizabɛtɩ nyazɩ 'kadʋ 'yɩlɩ, 'ɩn wa -yɔ ɔ 'sɔ yia we 'mʋna li.
59Da 'yu lia lɔkɔwlu -bhlo, wa yia ɔ knɩ 'wʋ 'paa, 'ɩn wa nɛɛ, wa 'ka ɔ dide Zakaliii 'ŋnɩ ɔ zʋ.
60'Ɩn ɔ 'nyaa nɛɛ: «-Ɩnnya! 'Mɔ wa laa Zaan.»
61Wa nɛɛ ɔ -ylaɛ: «'Ŋnɩ -mɩnɩ 'nɩ amaa zʋayli -mɩ.»
Lukɩ 1
Lukɩ 1:53-61