Luka 1:53-61

⁵³Nalo nam̃a jijerlo, naio bagan batitiglo, nalo nam̃a abe sanibaiano, naio mijil bulaglo, jum̃alo yauo ga.

⁵⁴Naio mila nam̃a berkario nua ban korobido nalo, binimei miija kito, kanano kulo Israel nalo. Maka rivitoviton ea Epraamo, tinienriia kiano bajulukuti nam̃ariga-o tobo to.”

⁵⁶Naina naruei Mere kiano iouano maaro ea vio na, mia naio jo bija Lesveti bano-o bokar siberio tolu, karina ban ea kanano vonuo bereio.

⁵⁷Naruei binimei monloglog bogo na mia Lesveti rudu kenerinio, mia naio barlar be sum̃ano.

⁵⁸Mia bogo napano Lesveti kiano m̃aratavo bija tomu na vaataro nalo amijogial vite nei, nalo ajaaro toru laka bija naio ka Atua kanano burum̃ara tinieiiano nei banio, ka beamu naio be jumolumu ga, mia vonganei naio barlar kenerinio motoru.

⁵⁹Mia bogo na kiritete nei naio bokar bogoti aluo, ana abinimei ka ala pakuveu ka naio. Ka bogo na, ajidom ka adu siano bunu, avio ka Sakaraia, tibe ka karam̃ano siano,

⁶⁰mia kiritete kenieno berbure, berinavo “Makanio, naio siano Jone.”

⁶¹Naruei nalo amil banio, aberinavo “?Venia na? !Maka lele garuei kanamo m̃aratavo tai napano adu sio na jibe na toa naio!”