Lukas 1:53-61

⁵³Ɔɔ sa atiripo̱ atɔ timaa, ne̱ ɔɔ gya atɔ awuye bo̱ kyo̱ŋwe̱ asare̱e̱ kpaŋkpaŋ.

⁵⁴Oo nyiŋŋi ke̱tɔ ne̱ ɔɔ tɔwe̱ gywii ane̱ nana Abraham mò̱ aa mò̱ ananagyi‑o si, fe̱yɛ o yure bamo̱ nsu pɛɛɛ‑ɔ. Ne̱ ŋkee ɔɔ ba na ɔ bo̱ kya ane̱ Isireelii awuye, Wuribware̱ mò̱ gyi‑ana‑ɔ‑rɔ.”

⁵⁶Ne̱ Mariya a kye̱na mfe̱ŋ ka Ilisabɛt kanɔ waa aferi asa pwɛɛ ne̱ ɔɔ dɛɛ kiŋŋi yɔ pe̱.

⁵⁷Ilisabɛt ko̱ko̱we̱ saŋ a fo̱‑ɔ, ne̱ ɔɔ ko̱we̱ ɔnyare̱.

⁵⁸Mò̱ akye̱nabɛɛpo̱ na mò̱ ako̱we̱bɛɛ a nu fe̱yɛ Wuribware̱ a waa atɔ timaa sa mò̱‑ɔ, ne̱ aa waa bamo̱ aa mò̱ kakatɔgyi.

⁵⁹Bamo̱ a ko̱we̱ kayaagyi‑o, ke̱mo̱ kake buruwase̱po̱‑ɔ, ne̱ baa te̱ŋ mò̱ ko̱twe̱e̱tu, ne̱ bo̱ yɛ bo̱ ba mò̱ se̱ Sakariya ke̱nyare̱ bo̱ sa mò̱.

⁶⁰Ne̱ mò̱ nyi yɛ, “Daabii. Weetee mò̱ ke̱nyare̱ e̱ gye̱ Yohanee.”

⁶¹Ne̱ baa be̱ŋŋaa mò̱ fe̱yɛ, “Ne̱e̱ bo̱ maa te̱e̱ mo̱ne̱ ako̱we̱bɛɛ‑ɔ ɔko̱ mɔ ane̱ŋ ɛ?”