Luka 1:53-61

⁵³Aime ngic nosingte homalu gagaing, yenge yeicne wiyac madicne yelelu bawakeyelewec. Ailu mafatowanginengkolec, yengebac molenginang wiyac monic mi lolu moc salecebame hikeibong.

⁵⁴Wapong ye ngambononggeng Abrahamtacni fikesawec aiofeibong. Nga aifenowagaingte yowaine edocebawec, yogo mi ngigeckewec. Ye bole-ngicfocine Israel yengele kwele-sowac ailu baficebawec.”

⁵⁶Milu Maria ye tamacne habackang inguc Elisabetkolec gacgu hatacmac macina hefaliye hikewec.

⁵⁷Hikeme Elisabet ye gboli fike-fike damengngine bangkaleme madec fikewec.

⁵⁸Fikeme macfocine nga yeicne alingfocine yengi Sugucnedi kwele-sowac aicnowec, yogo ngagelu yeholec momoc beliyeibong.

⁵⁹Aime hadeng 8 aiyemewa yenge madec yogo soc tofaine helockeningte welelu yele wacine Sekariya, mamacinele wase baningte inguc miibong.

⁶⁰Inguc mibong nenggacine Elisabet yedi kpatalalu miwec, “Miyac, yele wacine Yoane wackenoga.”

⁶¹Mime yengi yanguc miibong, “Gale alingfocgone yengelacni wac ingucne monic mi wackeibong fagac.”