Luka 11:4-43

⁴Thaj jartosar amenđe e bezeha amare, sago kaj amen jartosaras svakonešće ko sagrešisarel protiv amende thaj na de te peras ande kušnja!”

⁵'Thaj o Isus phendas lenđe: “Zamislisaren te džan ke tumaro drugari ande opaš e rjat thaj phenen lešće:” Drugarina, deman udžile trin mangre.

⁶Kaj avilo mungro drugari dromestar, a naj man so te čhav anglaleste te hal!”

⁷A okova andral phenel lešće: “Na dosadisar manđe! O vudar si već phandado, a e čhavrora si manca ando kreveto thaj soven. Naštik uštav te davtut.”

⁸Phenav tumenđe: “Ako či ni uštel te deles kaj si lesko drugari, uštela te deles zbog godova kaj lešće drugare naj ladžavo te avel uporno.

⁹Isto gajda phenav tumenđe: Manđen thaj delape tumenđe! Roden thaj araćhena! Maren po vudar thaj putrelape tumenđe!

¹⁰Kaj kogod manđel, primisarel. Ko rodel, araćhel. Ko marel po vudar, putrelapes lešće.”

¹¹Savo si maškar tumende dad: Kana o čhavro lesko manđel lestar mačho, te deles umesto mačho sap?

¹²Ili kana manđel angro, zar delales škorpijono?

¹³Ako tumen, vi ako sen bilačhe, džanen te den lačhe darurja tumare čhavrenđe, kozom majbut tumaro nebesko Dad dela Sveto Duho okolen save manđen lestar!”

¹⁴Jekhvar o Isus trada e benđes andar o manuš savo sas nemo. Kana inkljisto o beng, o nemo manuš počnisardas te ćerel svato. Thaj o but o them divisajlo.

¹⁵A varesave lendar phendine: “Vo tradel e benđen e Veelzevulešće silava, savo si e benđengo knezo.

¹⁶A aver iskušisardine e Isuses gajda kaj rodenas lestar varesosko znako andar o nebo kaj o Del bičhaldales.

¹⁷Ali o Isus džangla lenđe gndimata thaj phendas lenđe: “Ako e manuša andar isto carstvo borin pes maškar peste von uniština piro carstvo. Vi ako e familijaće članurja borinpes maškar pende, uniština piri familija.

¹⁸Ako si o beng ande peste podelime, sar ačhela o carstvo lesko? A tumen phenen kaj me e Veelzevulešće silava tradav e benđen andar e manuša.

¹⁹Ako me e Veelzevulešće silava tradav e benđen andar e manuša, kašće silava askal tumare učenikurja traden len? Gajda von korkoro dokažina kaj najsen ando pravo.

²⁰Ali ako me e Devlešće silava tradav e benđen, čačes avilo tumende e Devlesko carstvo.”

²¹O Isus još phendas: “Džikaj god o zuralo manuš, lačhe naoružime, araćhel piro ćher, lesko barvalipe si sigurno.

²²Ali ako avel o majzuralo lestar, svladil les thaj otmil lešće sa lesko oružije ande savo uzdilaspe, a o pleno razdelisarel.”

²³Zato ko naj manca protiv mande si. Thaj ko manca či ćidel, raspisarel.

²⁴Askal o Isus phendas: “Kana o bilačho duho inkljel andar o manuš, lutil pe puste thana thaj rodel pešće than kaj šaj te odmorilpes. A kana či araćheles, phenel: “Boldavaman ande mungro ćher, ando manuš andar savo inkljistem.”

²⁵Thaj kana areslo o bilačho duho arakhlas e manuše savo si sago o čučo ćher, šlado thaj lačhardo.

²⁶Askal džal thaj lel pesa efta aver duhurja, majgore lestar, thaj del andre thaj okote nastanilpe. Po krajo godole manušesće avela majgore nego kaj sas lešće po početko.”

²⁷Dok o Isus godova phenelas, varesošći manušnji kaj sas maškar o but o them čutas muj: “Blagoslovime o đi ćire dejako savo inđardatu thaj e čuča save pilan!”

²⁸O Isus phendas: “Još maj blagoslovime si okova savo ašunel o alav e Devlesko thaj ačhel paćivalo!”

²⁹Sar o them sa majbut ćidelaspe o Isus počnisarda te mothol lenđe: “Tumen manušalen save train ande akaja vrjama sen bilačhe manuša. Tumen roden znako. Ali aver znako či delape tumenđe osim e čudurja save o Del ćerdas palo Jona.

³⁰Kaj okova so sas e Jonasa sas znako e manušenđe save trainas ando gav savo akhardolas Niniva kaj o Del bičhaldales. Gajda okova so manca dogodilapes avela znako kaj man, e Čhave e Manušesće, o Del bičhaldas akale themešće.”

³¹Po đes kana avela e Devlesko sudo, e carica savi dumut vladilas e južno pujava, savi akhardolas Saba, uštela thaj osudila e manušen save si ađes džud. Kaj dadural avili te ašunel e care Solomone savo sas zurale mudro, a akate si vareko maj baro vi katar o Solomon, a tu men čikamen te čhon kan leste!

³²E manuša save majsigo trainas ando gav savo akhardolas Niniva, uštena po đes kana avela e Devlesko sudo thaj osudina e manušen save akana train. Kaj von pokaisajle kana o Jona propovedilas, a ake, akate si vareko majbaro katar o Jona a tumen još či pokaisajle!”

³³O Isus majdur sikavelas: “Khonik či del jag e lampa te čhola po garado than, niti tale korpa, nego po čirako te okola kaj den andre dićhen o svetlo.

³⁴Ćiri jak si lampa ćire teloše. Kana si ćiri jak sasti sasto ćiro telo si ando svetlost. Ali, ako si ćiri jak nasvali, ćiro telo si ande tama.

³⁵Zato lesama te okova so gndis kaj si ande tute svetlost naj li tama.

³⁶Ako si sasto ćiro telo osvetlime, thaj ni cara tam naj ande tute, askal sasto aveja prosvetlome, sago kana e lampa pire svetlosa osvetlil tut.”

³⁷Kana o Isus dija gata o svato, avilo leste varesavo farisejo thaj akharda les ande piro ćher te hal. Vo dija andre thaj lijas than pale sinija.

³⁸Kana godova dikhlas o farisejo, začudisajlo kaj o Isus bešlo pale sinija majsigo nego so thodas pire vas sago kaj trubujas prema e židovengo običajo.

³⁹A o Gospod phendas lešće: “Tumen e fariseja gadići trudintumen te thoven tumare tahtaja thaj e čare avrjal, a pheredinelen e pohlepava thaj e bilačhipeja.

⁴⁰Bi gođavalen! Naj li o Del okova kaj stvorisardas e manušes thaj pindžarel les andral sago vi avrjal?

⁴¹Zato den okova so si andral, andar e tahtaja thaj andar e čare so handžvale inćaren samo pale tumende, okolenđe savenđe si maj potrebno sago milostinja thaj saste avena čiste andral thaj vi avrjal.”

⁴²Ali jao tumenđe, farisejalen! Kaj den deš posto e Devlešće katar sa e začinurja thaj katar o povrće a či marin pale pravda e manušenđi thaj pale ljubav e Devlešći so si maj važno. Trubun te den deš posto ali či troman te zanemarin akava so si maj važno.”

⁴³Jao tumenđe farisejalen! Kaj volin te bešen pe počasne thana ande sinagoge, thaj te e manuša pozdravin tumen pherde poštuipe prema tumende pe javne thana.